‘මතට තිත’ නමටද?

මත්ද්‍රව්‍ය බොහෝමයක තිබෙන රසායනික ද්‍රව්‍යයක් වන්නේ එතනෝල්  නැතිනම්  ඊතයිල් මධ්‍යසාරයයි.මෙය භාවිතයෙන් ස්නායුවලට ප‍්‍රබල හානියක්සිදු වේ. ඇත්තෙන්ම මත්වීම යනු විද්‍යාත්මකව බැලූ විට යම්  ආකාරයක විෂවීමකි. මධ්‍යසාර වැඩිපුර ශරීර ගත වුවහොත්  සිහිනැතිවීම, මරණය පවා සිදුවිය හැකියි.
ඊතයිල් මධ්‍යසාර ශරීර ගත වූ පසු එහි විෂ ගතිය අඩු වන්නේ ඉතාම සෙමෙන්ය.එය මොළයට ප‍්‍රබලව හානිකරන අතර හොඳින් කතා කිරීමේ හැකියාව, සිහිකල්පනාව සහ හැසිරීම සියල්ල වෙනස් කරයි. එසේ සිදු වන්නේ මොළයේ රසායනික ද්‍රව්‍යවල සංයුතිය ඊතයිල් මධ්‍යසාර මඟින් වෙනස් කරන නිසාය. එවිට මොළයට අවශ්‍ය නිවැරදි සංඥා නොලැබෙන නිසා නිසි පාලනයක් සිදු නොවේ. එම නිසයි මධ්‍යසාර භාවිත කළ තැනැත්තෙකු එමකාලය තුළ සිදුකරන ක‍්‍රියා පිළිබඳ පසුව පසුතැවිලි වන්නේ ඒ වගේම මේ තුළින්සෞඛ්‍ය සම්පන්න ආර්ථීකයකට කරන බලපෑම වචනයකට නැගිය නොහැකිය. ඒ සඳහා දියර කිරි බීමට ජනතාව යොමු කළ යුතුව ඇත.එහෙත් තවමත් අප කිරි එළදෙනුන් මරාගෙන බයිට් එකට ගන්නා ජාතියකි.
1912 දී ලංකාවේ සුරාබදු පනත ආරම්භකර පළමු ශ‍්‍රී ලංකා තැබෑරුම්  විවෘත කරන්න ගිය අවස්ථාවේ පාරට බැස්ස වීරයෝ අද සිටියානම් රටට මෙතරම් දරුණු හානියක් ඇති නොවන්නට ඉඩ තිබුනි. ඔවුන් අද ජීවතුන් අතර සිටියානම් මත්ද්‍රව්‍ය භාවිත කරන්නන් වෙනුවෙන් එල්ලුම් ගස නියමකරනු ඇත.
අද ලෝකයේ දිනකට මත්ද්‍රව්‍ය තුරන් කිරීම පිළිබඳ සාකච්ඡා, මාධ්‍ය වැඩසටහන්, කොතෙකුත් ක‍්‍රියාත්මක වුවද එය තුරන් කිරීමට නොහැකි දරුණු රෝගයක් මෙන් ඔඩුදුවා ඇත. හෙට වන විට ’ZOMBI නමැති දරුණු මත්ද්‍රව්‍යයන් මෙරටට ගෙන ඒම වැළැක්වීමට හැකිවේද? පාලකයිනි, මෙවැනි මිනිසුන් නොෙමිනිසුන් කරන මත්ද්‍රව්‍ය මේ පුංචි රටට ගෙන ඒම වැළැක්වීම ඔබ සතු වගකීමකි.දිනකටටොන් පිටින් අත්අඩංගුවට ගන්නා කෝටි ගනනක් මත්ද්‍රව්‍යවලට කුමක් වෙනවාද යන්නවත් අප හරි හැටි නොදනී. මෙවැනි අවස්ථාවල විනිවිදභාවයකින් කටයුතු කිරීම අත්‍යවශ්‍ය වේ.
වර්ථමානයේ සිරගෙවල් වල කම්බි කූරු ගණින බහුතරයක් තරුණ පිරිස් මත්ද්‍රව්‍ය නිසා අපරාධ වලට යොමුවී නීතියේ රැහැනට කොටු වූවන්ය. ජීවිතයේ සුන්දරම කාලය මෙලෙස ගෙවීමට සිදුව ඇත්තේ ඔවුන් මනසට ඉඩ නොදී හැඟීම් වලට ඉඩ විවර කළ නිසාය. මිත‍්‍රවේෂයෙන් පැමිණ ජීවිතය අඩවන් කරන විට ඔවුන්ට සත්‍යයටපත් වී යයි.නැවත සිහිඑලවා ගන්නා විට ඔවුන් පමා වැඩියි. වර්ථමානයේ සිදු වන බොහෝ අපරාධ, රියඅනතුරු, මංකොල්ලකෑම්, ජීවිත හානි, පවුල්හානි, පවුල්බිද වැටීම්,සියල්ලටමහේතු වී තිබෙන්නේ සැමියා, පියාහෝදරුවන් මතටඇබ්බැහි වීමයි.
බීමත් පියාගෙන් බිරිඳට දරුවන්ට හිරිහැර සිදු වූයේ අද ඊයේ සිටනොවේ.මත්වීමේ ආනිශංස කියන්නට කොතෙකුත් උදාහරණ ඇත. ලෝක අමධ්‍යප ව්‍යාපාර, වැඩිහිටිදින, කාන්තාදින, ළමාදින, මව්වරුන්ගේ, පියවරුන්ගේදින, ගුරු දින, වෙන් කළද එ් පිළිබද කොතෙකුත් කථා කලද මේ වන විටත් මත්ද්‍රව්‍ය වලින් වන ඛේදවාචකයෙහි අඩුවක් නැත.එසේනම් මතට තිත කවදද? තවත් මේ පිළිබඳ බලාසිටී මෙන් රටට වෙන හානිය කොතෙක්ද යන්න තීරණය කිරීමටවත් නොහැකිවේ. එමනිසා කළ යුතුව ඇත්තේ නීත්‍යානුකූල හෝ නොවන සුරා සැල්වලට ලයිසන් දීම නොවේ. රටේ ඇති බාර් වසා දමා වචනයේ පරිසමාප්ත අර්ථයේම මතට තිත තැබීය.